Kamachiy killkak Norma Vallejo pichka kamachi allichinapi shuk kamachiyta churarka.
Chay kamchiykunata rimashpaka Servicio Público kamachiy, Educación Intercultural kamachiy, Código del Trabajo kamachiy, Educación Superior kamachiy, Código Orgánico Integral Penal kamachiykunata arinishka kan.
Kay kamachiykuna kari warmi wawakuna, imillakuna ama llakita charichun harkata churankapa, ashtawankarin yachana wasikunapi yachakukkunaman ama llaki tiyachun yanapanka.
Chay ancha llakikuna rikurikpi mana chinkachishpa kutintak killkanami kan, ashtawankarin tukuy awllikuna, mayhan yachanawsimanta yachachikkuna llakichik kashpaka mana kishpiyrinata charinchu. Hatun paktana yuyayka, kay ancha llakikuna ama kunkarishka sakirichunmi mañan.
Yachachikkuna kankapa alli yuuyayta charinami kan, mana millina yuyayta charina kanchu, kari warmi wawakuna, imillakuna yachana wasiman rinkapa ama mancharichunmi yachachikkunaka kuyaywan yachakukkunata chaskina kan.
Shinamai hatun yachana wasipi yachankapa rinkapapash kushilla yuyaywanmi rina kan. Kay yuyaykunataka pushakkumaan, kamachikkuna, mitachikunamanpash rikischinami kan, tukuykunami kallaripi yachakukkunata alli chaskinata charin.
Yapa, kay Código Integral Penal kamchiypi, kari warmi wawakuna, imillakuna ancha llakita charishkamanta wanayta churakkuna, ukllarinkapa Mamallaktapi Llikata hapina hayñitami charina kan, wichkashkakunata, rikukkunata kamana, mana shinakpika manchachishkami kanka.
Kay Código del Trabajo kamachiy llankaymanta mana allita surkushkata rikuchin mañarka, paypak tantarita pushakunata, warmikunata rikuchun kamanami kan, shnallatak llankana kuskapi taririk warmi wawakunata, imillakunata yacnaha wqasikunapi llakichishkatami rikuna charin. Kay Servicio Público kamachiyka wanayta churakpi ukllanata riman, shinapash llankakmanta surkuchun kamanata ushanka.
JLVN/pv/jc-kcihwa
