Kay Augusto Espinosa, Mercedes Galarza, Cristina Reyes kamachiy killkakkuna paykunapak awllimanta 10 punchata sakishishka kan.
Shinami kay chilla puncha Consejo de Administración Legislativa (CAL) tantari wanachirka.
Kay Función Legislativa (LOFL) kamachiypak 166 nikika kay wanachikunata rikuchin.
Chayka: 1. killkashpa kayana; 2. killata llankashkamanta 20% patsakri kullkiwan wanachina; 3. llankaymanta ashalla pachata sakichina, chay punchakunamanta kullkita mana hapinkachu.
Kay kamachiyka, wanachita churashka kashkamanta CAL tantarika, llaki tiyashkata rikuchishka kakpi shina rurarka, kaykuna killkashka rikurikpi, uyarikpi, shuyu kuyurikta Mamallakta Tantakuy pushak, punchanta llankachun minkashka, ashalla pachapak minkashka rikuchikpi, shina wanachiywan paktachinka.
Mañashkakuna
Kamachiy killkak Dayana Passailague, Augusto Espinosa kamachiy killkak llakita charishkata rikchirka, LOFL kamachiy, 165 nikipak 5, 6 yupaykunata pakishkata rikuchirka, kay rimaykunaka Mamallakta Tantanakuy ukupi panta rimanata paykunaka rikurka.
Wanachishkakuna huchamanta kishpiyrina hayñita charichun, LOFL kamachiy, 165 nikpak 5, 6 yupaykunata pakishkamanta wanachirka, chay Reyes kamachiy killkak shinallatak rurarka.
Kamachiy killkak Doris Soliz ishkay llakita rikuchirka: shukka Washington Paredes kamachiy killkakpak shutipi, shuktak kamachiy killkakpak shutika, Fernando Callejas shuti karka. Shinapash paykunaka kishpiyrina hayñita charin, CAL tantarika, kay kamachiy killakkuna, llakita rurashka mana LOFL kamachiy, 165 nikipak 5, 6 yupaykunata pakishkata rikuchin nirka, chaymanta kay wanachiyta wakaychirka.
Tukuchinkapa Norma Vallejo kamachiy killkak, chay Cristina Reyes pantarishkamanta shuk wanayta churarka, LOFL kamachiy, 165 nikipak, 5 yupayta pakishkata rikuchin nirka, payka CAL tantari mana allita rurashka nirka. shinapash CAL tantarika LOF kamachiypak 166 nikipak, 3 yupayta, kay nikipi llankayta chunka punchata sakichinatami rikuchin, chay punchakumanta kullkita mana kuna hawa riman.
JC-kichwa
