Kay, Ecu 911 willakman kayashpa, chay San Lorenzo, llaktapi awkakunawan llaki tiyashka.
Chaymanta José Serrano, Mamallakta Tantanakuyta pushak shuk tantarita charirka.
Chayman ministros del Interior kamachik, Defensa Nacional kamachik, Política kamachik tantarirka.
Shinallatak Fiscalía General kamachik, Consejo de la Judicatura kamachik, Policía kamachik, FFAA kamachik, Secretaría de Gestión de Riesgos kamachik tantarirka, paykuna San Lorenzo, Esmeraldas, llaktapi llaki tiyashkata riksirka.
Shinami César Navas, ministro de Interior kamachik, Carlos Baca, fiscal general kamachik, tukuy Mamallaktami tantarishka shuwaymanta, shuwashpa katikkumamanta, upalla manchachikmanta takashun nirka.
"Shinami kay Funciones del Estado kamachikkuna shuklla tukushpa, tantarishpa llakichikkunata takankapa yuyarirkakuna, shina Mamallaktamanta llakikuna anchurinka, runakuna kasilla kawsanka", shinami Navas hatun kamcvhik rimarka.
Kay wacha punchapi kay tukyak antawa llakichiskawillayta chayachirka, 01h45 sayllata willarka, kay Comando Cantonal de la Policía en San Lorenzo wasi kanchaman tukyarka. Kay tukyaywan 28 runakuna ashata chukririshka sakirirka, mana mayhanpash wañurkachu. Shinapash awkakunapak wasi kuchupi tiyak 27 wasikuna wakllirishka, awkapak wasipash pakirirka.
Shinallatak Mamallakta Pushak, Lenín Moreno, chay San Lorenzo llaktaman, Eloy Alfaro llaktaman, 60 punchakama, hatun llaki kan nishpa runakuna mana purinalla, awkakunapash puncha, tuta chaparayachun shuk kamachiyta churka.
Shinallatak, Carlos Baca, fiscal general, kamachik “ kunan chay San Lorenzo llaktapi hatun llaki rikurishkamanta, sinchita shayarinka, kay llakita Mamallaktapak tukuy hatun kamachikkunami rikunata charin, shinami Mamakamachiyta paktachishun nirka, chay llaktapi kawsak runakunapash chay llakimanta pakchachina kan” nirka.
MG/jc-kichwa
