Kay Derechos Colectivos minkashka, María José Carrión, GAD kamaywasipi warmikuna yaykurichun Desarrollo Social Político y Económico de la Mujer kamachiy yanapan.
Shinami, kay kiti tantari, marka kamaywasiman, kunakkuna, shulka shimita charik, ishkantin pushakkuna warmikuna llankayman yaykurichun achkata yanapanka.
Kay kamachiyta allichinkapa Movimiento de Izquierda Revolucionaria (MIR- Mujeres) tantari, Colectivo de Mujeres Rurales de Pichincha tantari, Universidad Central de Ecuador yachakukkuna, Tania Moreno, fiscal subrogante kamachik; Nubia Villacís, Consejo Nacional Electoral kunan pushak; kallarik Facultad de Jurisprudencia kamachik, kay yachayka 11 puncha, kuskikilla 2017 watapi pusharirka.
Llaktay tantarikuna kallari akllaypi, kamachik tukuchun akllanapak shutikunataka warmikuna akllay umapi kachun mañarka. Shina akllashpami kikin tantarikunapi warmikuna akllarina sinchiyanka nirka.
Yapa, tukuy llaktay tantarikunapi 50 % patsakri warmikuna shutikunata killkakchishpa akllarinkapa yaykurichun nirka. Nishunlla, shuk llaktay tantari Mamallaktata killpak kashpa, 23 markapi, markapushakta churana kashpa, 12 warmi kachun, 11 kari kachun nirka.
Kay María José Carrión kamachiy killkak, warmi kullkiwasimanta, payllatak kullkita surkuchun kay kamachiy achkata yanapanka, shina payllatak llankaykunata rurankapa kullkita apanka, shina llankaykunata mirachishpa katinka.
Mama Gabriela Escobar, payka MIR tanatrimanta kan, kay mushuk kamachiyka warmikuna paktapakta yaykurichun yanapan, shina warmikuna tukuylla llankaypi, shuklla llankaypi, runakunawan llankaypi, mushuk llankaypi kanka.
MG/pv/jc-kichwa
