Mamallakta Tantanakuyta Pushak Serrano Fenocin tantarita chaskirka yanapankapa arinirka, shina pakllapi kawsak runakunata yanapanka.
Kayta kutsikyachinkapa Rubén Flores, Ministro de Agricultura kamachikta kayanka, paymi imashinatak ziruta, sarata tarpukkuna llankakushkata riksichinka.
Shinami Confederación Nacional de Organizaciones Campesina, Indígenas y Negras (Fenocin) tantariwan rimanakuypi José Serrano Mamallakta Tantanakuyta pushak rimarka.
Tayta Serrano, Fenocin tantarimanta 300 patsak runakunata chaskirka, kay runakuna kamachikkuna llankashkata, kamachiykuna killkarikushkata willachun mañarka.
Mushuk kamachiykunata, mushukyachishka kamachiykunaka shamuk 17 puncha, ayriwa killapi ña arinishka kanka, shnami “mushuk tarpuypak shutipi runakuna kuyuri puncha charichinka”, chayman 10 waranka runakuna shamunka.
Hatun Pushakwan rimanakuyka chay yuyaytallatakmi karka. Kunan puncha tantaripika Primer Encuentro por la Revolución Agraria y Rural del País hawa rimanakuymi karka. Kay pachami Franklin León, yunka llaktamanta pushak rimarka.
Payka Tarpuy Hatun kamachik kay ziru llakita mana allichirka, kamachiywan churashka chanita mana paktachin nirka, rantikkunawan llakita mana harkashka nishpa wanayta churarka. Mamallakta Tantanakuyta pushak chay hatun kamachikta kay pacha kayarka.
Tawka runakunapak, warmikunapak mutsuyka. Imashinami Teresa Hinojosa, Fenocin tantarita pushak, ayllupak, pakllapi kawsak runakunapak tarpuyta mana sinchiyachishka, murukuna pukuy ashayashka, kapukkunamanta mana alli chanita kushka, rantikkuna mana alli chanita kushka, mana alli sumak ruraywan yanapashka, kullkita mana utka mañachishka, llankay illan, runakuna kitiman llukshishka, hatun yachana wasi mana pakllata yanapachu yachachin llakikunata rikuchirka.
LILA/pv/jc-kichwa
