Kay Corpus Christi raymita, 2011 watapi Patrimonio Cultural Inmaterial del Ecuador shutiwan kayashka kan.
Elizabeth Cabezas Mamallakta Tantanakkuy pushakta chay raymipak ñusta kachun shutichikpi kushiyaywan, huyaywan huntarini nirka.
Chay atun raymimanta, “Huyay Pujilí” -Cotopaxi raymi. Shinami llaktayukkuna, kamachikkuna, runakuna Mamallakta Tantanakuyman tawkakuna chayamurka, chaypi raymirka.
Mamallakta Tantanakuy pushak, shuktak kamachiy killkakkuna yanapashka raymichun kayakkunata kushiyarishpa chaskirka, kipaka runakunawan, llaktayukkunawan chay raymiman rinkapak arinirka.
Cchayka allpamamata yupaychaymi kan, ñukanchik allpamamamanta llukshishka murukunata, tarpuymanta pallashka murukunata rantinpak mikunkapami chay Pujilí -Cotopaxi raymipi kan, chay llaktapika watantatami shina raymikunata llaktakunata kayashpa aknan.
Kay Corpus Christi Patrimonio Cultural Inmaterial del Ecuador raymika, apunchikmanta shamuk Octavas de Corpus Christi raymimi kan, kay raymika ñaypa Inti Raymi iñiwanmi aylluyarin. Kunanmi raymipak unanchata chaskirkani, Danzante de Pujilí unanchaka Tamyapak Pachakamak shutiwan riksishkapashmi kan, Elizabeth Cabezas Mamallakta Tantanakuyta pushak rimarka.
LILA/pv/jc-kichwa
