“Chay Estados Unidos llaktapi llaktapurawan makita kushpa, yanapay ukllarinakushpa kushillami kasha”.
Shina rimashpami, Elizabeth Cabezas, Mamallakta Tantanakuyta pushak madrina del Desfile del Comité Cívico Ecuatoriano raymiman rina sakirirka.
Chay raymika Condado de Queens kuskapi kan, shamuk karwa killapi 5 puncha kanka, chay punchami tawka runakuna, tanarikuna, hatun yachak runakuna chayanka.
Tayta Oswaldo Guzmán, chay Comité Cívico Ecuatoriano tantarita pushak, Mamallakta Tantanakuyta pushak ñukanchik kayashka raymipi kakpi shunkumanta kusiyarishun nirka, chay raymika Mes de la Herencia Ecuatoriana shutitami charin.
Chay Nueva York llaktapi, Ecuador llaktamanta 330 runakunami kawsan, chay yupaymanta kimsapi rakishkami Queens llaktapi kawsan. Chay raymimanka tukuy Estados Unidos llaktamanta chayan, tukuy Mamallaktapi Ecuador llaktamanta 1 hunu runakuna kawsan. Chay raymika Ecuador llaktamanta chay Mamallaktapi kawsakkunapak hatun raymimi kan.
Yapa imanik
Kay raymika Northern Boulevard suni llaktapi 11h00 sayllata kallarinka, chay 69 ñanpi tukuy kallarinka, 87 yupay ñanpi tukurinka. Chay raymipi Estados Unidos llaktamanta kamachiy killkakkuna kanka, kitipushakpak shuktak runakuna. “Ñukanchikpak Mamallaktapak hatun kamachikwan raymimi may mutsurik aknay kan”, shinami Guzmán pushak rimarka.
MC/pv/jc-kichwa
