Chay Grupo Interparlamentario de Amistad y Cooperación Recíproca Ecuador-Corea del Sur tantari, kay llaktamanta kamachiy killkak Noralma Zambrano, chay Corea del Sur llaktapak Young Keun Lee istakamachikta chaskirka.
Shinami, chay kamachikwan llaktay, kullki, amawtay, yachay, zirma, sumakruray, kawsaytarpuy, yanapayta rimanakurka.
Chay Corea llaktamanta kamachik, Ecuador llaktamanta, chay Corea del Sur llaktaman mintalayka 32 % patsakrita mirarirka, shinallatak Corea llakamanta Ecuador llaktaman rantishkata apamunaka nirka, yallik pachakunamantallaktami shinallatak kan, Young Keun Lee kamachik rimarka.
Kay Ecuador llaktawan, Corea llaktawan, chay Acuerdo de Comercio para el Desarrollo (ACD) yuyarita charin, shinallatak Corea llakta, Ecuador llaktapi oficina comercial wasita charin.
Chaymanta ista llaktaman katuna llaktayta mashkan, ishkantin Mamallaktakuna makita kushpa llankayta, ista llaktaman mintalankapa llankak wasita imashina pushana ñantata yachachina.
Ñukanchik Mamallaktaka mushuk hawa sumakruraywan llankashka kapukkunatami istaman kachan, chayka antawakuna, zirma kapukkunami kan; chay Asia llaktamanka palanta, yaku aychakuna, anta, lluchunka, chalwa, shuktakunatapash katurin nirka.
Kamachiy killkak Noralma Zambrano, Asia llaktamanta tawka kullkiyukkunami ñukanchik llaktapi paykunapak kullkiwan llankanata munan, paykunaka kay llaktapi kawsak runakunata yanapashpa katuna pampakunata mirarachisha munan, chay katuna yuyaytaka Ecuador llaktapi, Corea llaktapipash churanka.
RD/eg/jc-kichwa
