Chay Esmeraldas markami, Política de Defensa y Seguridad para la Frontera llaktayta, Lenín Moreno, Mamallakta Pushak kallarichishpa riksichichun akllashka llakta karka.
Chay rimayka Batallón de Infantería Motorizada kuskapimi pusharirka.
Chay aknaypimi awkakuna, chayman Elizabeth Cabezas, Mamallakta Tantanakuyta pushak chayarka.
Mamallaktapak tawka hatun kamachikkunapash chaypi karka, ashtawankarin llaktata kamana llankayta charik awkakunami chayman chayarka.
Mamallakta Pushak, Mamallaktapak makipimi kasilla kawsayta charinaka kan nirka, tukuykuna kasilla kawsana, llakta ushay runakunawan kawsana, shuwaykunamanta anchurishpa kawsanata rikuna kan, ashtawankarin Mamallaktapak chinka saywatami rikuna kan. “ Kikinkunapak hatun kamachikpak yanapayta charipaychik chincha saywaka tukuy Mamallakta kallaripi rikunami kan, sapallata mana sakikshunchu”, shinami Moreno rimarka.
Mamallakta Arinishka
Chaywan Elizabeth Cabezas, riksina llankayman kullkita apamunkapa yanapashun nirka, chayta paktachishun nishpa rimarka. Yapa, tawka willak hillaykunaman rimashpa, Mamallakta Tantanakuymi yanapak kamachiykunata surkunkapa sapi kan nirka, kay kamachiykunami Plan de Seguridad llankayta pushankapa achkata tumpirinka nirka.
Mamallaktata Pushak kay mitachita, mushuk llankaykunata yanapayta kushun, chaypak Frontera kamachiy mitachita kushkata hapishun nirka. “Sacha awkakuna ñukanchik kasilla kawsanata waktachun mana sakishunchu nirka. Mahan allishunkuta charin manchaywan mana kawsankachu”, Moreno Mamallakta pushak rimarka.
MC/pv/jc-kichwa
