Kay Comisión de Derechos Colectivos tantari kaya tutamanta tatarinka. Kay 10h00 sayllata rimanakuy kallarinka.
Tayta Luis Onofa, Colectivo Espejo Libertario yachachikta chaskinka; shinallatak Jorge Guachamín, Ejecutivo de la Coordinadora de Medios Comunitarios (Corape) kamachikta chaskinka.
Shinallatak Pablo Cevallos, General del Servicio Nacional de Derechos Intelectuales kamachikta chaskinka.
Kipaman Carlos Ribadeneira, Facultad de Comunicación yachachik, Enrique Herrería ñawpa kamachiy killkak minkashkaman chayanka, paymi chaskichun mañarka, paymi imatalla chay Comunicación kamachiyta allichina hawa rimanka, yuyaytapash churanka.
Yuyachinata ushanchik, Consejo de Administración Legislativa tantari, mushukyachina 10 kamachiykunata chay Comisión de Derechos Colectivos tantariman chayachirka. Chaymanta 9 mushuk kamachiymi kamachiy killkakkunamanta shamushka kan, shukka Mamallakta pushak kachashkami kan.
Willayman kimirishpa llankak 27 killkakkunata uyashpa, kamachiy killkakkuna 15:00 sayllamanta Comunicación kamachiyta allichinaman kallarinka, shina kay kamachiy alli killkarinka.
JLVN/pv/jc-kichwa
