Kay Derechos Colectivos minkashka Willay kamachiyta allichinkapa yuyaykunata chaskirka.
Chay Ramiro Villarroel, Universidad de Bolívar yachana wasimanta, willachinakuna hamita anchuchichun mañan.
Chaymanta willana hillaykunaka tukuyllapak tukuy karmapi mitachimi kan, llaktakunaka paykuna charishka willana ñanwan, paykunapak shimiwan willanata ushan.
Katinakuyta kamachiywan hapikushpami achiklla, pakpapakta kachun, chimpapura mañayta, ama shukpaklla makipi willay sakirichun willanata ushanka, shina llaktapak munaykuna paykunaman paktachun shuyan.
Kay zirmapi willayman mana nikinata usharinchu, shinapash chay willana hillayka Consejo de Regulación y Desarrollo de la Comunicación (Cordicom) kamaywasipimi killkarishka kan, imatalla willanakunaka chimpapurashpa paktapaktami kana kan nirka, shinami llaktayukkunapak hayñita mana pakinka, shina alli willaykuna llaktakunaman chayanka.
Kay Villarroel kamachiy killkak, willakkuna kamayta charichun kamayta churanami mutsurin nirka, willakkunapak llankashkamanta kullkita hapina maruta shumaychanami kan nirka; chay Cordicom kamaywasita wallpakushpa willakkunamanta shukta churami kan, shina willay allichirinka nirka.
Mushuka kamchiypak 10 nikimanta rimashpaka, Mamallakta pushak “ ancha huchata, antawa sinkuymanta mana alli rimayta anchuchina nirka”, ashtawan willayta chaninaman kimirishkami kan nirka, ama yanka willay hicharichun, chayka umata nanachin, runapak kushikayta chinkachin nirka.
JLVN/pv/jc-kichwa
