Mamallakta Tantanakuy chay General Jorge Gabela awka wañushkamanta katinkapa shuk minkashkata churarka.
Shina: César Litardo, Noralma Zambrano, Jeannine Cruz, César Rohon, Marcela Aguiñaga, Ángel Gende Sebastián Palacios kamachiy killkakkuna yaykurirka. Chay Jorge Gabela kay Fuerza Aérea Ecuatoriana kamaywasipi llankak hatun awkami karka.
Chay minkashka kamachiy killkakkuna taripayta tukuchishka kipa, Mamallakta Tantanakuyta pushakman shuk willayta chayachinka, imashina taripayta tukushka, imashina kaymanta ñawpakman katinata riksichishpa willanka. Chay minkashka 90 punchakama imatalla tarishkata rikuchinka.
Kay tukuri punchakunapi General Gabela hawa achka alli willaykuna rikurishka, chaytami mayhantapash huchachinkapa allita taripana kanchik nirka, yapa 4 puncha, raymi killa, 2018 watapi Lenín Moreno Pushak Secretaría Nacional de Inteligencia, chay Fernando Balda hawa, Jorge Gabela wañuchishka hawa panka mana alli kan nishpa rikuchishka kipa wanachinata katina hawalla tukurka.
María José Carrión y Fabricio Villamar kamachiykuna churashka, Mamallakta Tantanakuy kamachiy killak César Litardo yuyarichirka, chay llakita taripachun shuk minkashkata churana kan nishpa yuyachirka, chaypak chikan chikan llakichikkuna riksichinakapa chayamuchun kayanka, chay General Gabela ayllukunapash kayta yanaparka.
JLVN/pv/jc-kichwa
