Kunan puncha Soberanía Alimentaria minkashka, Fomento y Desarrollo del Sector Agropecuario kamachiy hawa rimarka.
Chay Producción y Comercialización del Banano kamachiykunata Mamallakta Tantanakuypi kallari atinakuypak allichishpa katin.
Shinami kunan puncha Quevedo llakta, Los Ríos markapi rimanakuyta charirka, kay kamachiyka palanta katunatami yanapanka.
Kay Comisión de Soberanía Alimentaria tantariman yaykurishka, Ricardo Zambrano kamachiy killkak pushashka, tarpuy llakikunata uyankapa kuntinsuyum llaktaman rirka.
Chaypi kak kamachikkuna, pushakkuna, runakuna mushuk yuyayta churarka, shina kay Ecuador llaktapi llankaykunata, kullkitapash wiñachinka. Tantaripi kak runakuna Mamallakta kullki mana mañashishkata, sumakruraywan mana yanapashkata rikuchirka.
Kay mushuk kamachiykunaka llaktayukkuna yuyayta churashkawanmi wallparishka kan, shukka Desarrollo Agrícola shutimi kan, kay kamachiyta kullkita suni watapak mañachichunmi yanapanka, akllashka wawakullkitami kuchinka, shinami César Litardo kamachiy killkak, Los Ríos markamanta shamuk rimarka, chay tantariman 100 yalli runakunami chayarka, paykunaka Salón de Actos Simón Bolívar ukupi, Municipal de Quevedo wasipimi pusharirka.
Chay Banano kamachiyta allichina, chayka 1973 watamanta shamun nirka, paypak marka 43 % patsakri palanta kapukta kun, chaymanta kay kamachiyta allichina nirka, shina Mamallatapak palanta tarpuna llaktakunata achkata yanapanka.
Palanta tarpuy
Kanchaman katukmanta, Richard Salazar, de Arcobanec tantarimanta shamurka, Centro Agrícola de Machala, Red Banavid kamachik, Asoban tantarimanta, shuktak palanta tarpukkunapash kaypi karka, paykuna mushuk kamachiy tiyachun, mushuk llankaykunata yanapachun mañarka. Shina llaktakuna achkata wiñarinka, kullkipash mirarinka nishpa mañarka.
RSA/eg/jc-kichwa
