Kay 5 puncha, 2018 watapi Michelle Alejandra Montenegro Campos chinkarishka mana riksirin.
Ima kaypash Quito llaktapi 13h00 sayllata, paypak Samara IV wasimanta llukshikukta rikushka karka.
Shinami payka 26 watata charirka runapak hayñita tankashpa llankak karka, wawakunawan llankak karka.
Kay Michelle chinkarishkapak ayllukuna Comisión Ocasional que Atiende casos de Personas Desaparecidas tantariman chayamurka.
Paykunaka Fiscalía kamaywasi, Dirección Nacional de Delitos Contra la Vida, Muertes Violentas, Desapariciones, Extorsión y Secuestros (Dinased) kamaywasi, shuktak yanapak kamaywasikunapash taripayta riksichichun mañarka.“ Chinkarishpa mana rikurik llaktapi kawsanchik, kamachikkunapash mana shunkumanta yanapan, mashna runakuna chinkarishkatalla riksichin ”, Michelle chinkarishkapak ñaña, Vanessa shina rimarka.
Chinkarishkamanta 42 punchata yallishka, maypi kashkata mana riksinchikchu nirka, chay Fiscalía kamaywasita, Dinased kamaywasita tapukpipash mana riksinchu: Imatatak rurana kanchik, mayhanllatatak tapushun nirka. Kay llakita mashkak kamachik mutsurin, ushashpaka ista llaktamanta taripak, mashkak mutsurin nirka.
MG/eg/jc-kichwa
