Mamallakta Tantanakuypak llankay paktachun Comisiones Especializadas Ocasionales tantarikunaman yaykurishka kamachiy killkakkuna ashayachun Mamallakta Tantanakuy mañan.
Shinami iskun kamachiy killkakkuna kachun shuyan, chaypak paykunallatak llukshinata arinichun churan, shina alli llankaykunata ruranka.
Kunan llankakuk minkashkakuna, iskunmanta yapa kakpi, yaykurishkakuna ashayachun mañan, wakinka paykunallatak anchurina kan ninmi, shinami ashayana hawalla rikurin, chaymi ashtawankarin mutsurin nirka.
Shinallatak, chay Consejo de Administración Legislativa (CAL), sapan Comisión Especializada Ocasional tantarikuna paypak llankayta paktachishka shuk kamaykuta ruran, chay llankayta rurashkata Mamallakta Tantanakuyman shuk willayta chayachin, chayta yuyarishka punchamanta 10 punchakama mana urayman chayachinka.
Kay CAL tantari llankaypi paktata yuyayta mushukyachina riman , shinallatak Comisión Especial Ocasional tantaripak yuyayta, llankaypi paktana yuyayta rikunka, Mamallaktapak llankana katikillata mashna punchapi paktana, ima llankaykunata ruranata rikunka. Shinami sapan mikashkakuna paypak minkashka awlliwan chayanka.
Chaymanta kay llankaykunata paktachinkapa yaykurishkakunata ashayachinata shuyan, shinami Fernando Burbano kamachiy killkak riman, sapan tantarikuna tawka llankay tantarikunata ruranka, ashalla yaykurishkakuna kashpa yallita llankanka riman, alli llankaykunata rurankapa chaypi kanka nishpa rikuchin.
RSA/eg/jc-kichwa
