Tantarikuna, kamachikkuna, willakkuna rimanta churachun, kay Comisión de Derechos Colectivos, Comunicación kamachiyta rikuchinkapa shuyachun mañanka.
Kamachiy killkak Jorge Corozo, kunanka Supercom kamaywasita anchuchinkapa apuchikuna tiyan nirka, shinami kipaman alli kamachiy tiyarinka nirka.
Rimanakuy patakupika 12 mushuk nikikunata allichina sirin, 60 nikika ñami allichishka kan. Kay mushuk kamachiy kishpirishka rimana hayñita, rimayta, killkayta kuchun paktana yuyaymi kay kamachiywanka kan nirka.
Hatun minkashkakuna
Minkashka tantari Wilma Andrade kamachiy killkakta chaskishka, paymi chay Supercom kamaywasita anchuchina tiksiyuyayta churarka, Supercom wanachik, kishpiychik karka nishpa riksichirka, rimayta kichushpa wanachirka, harkarka, wakin ankita, karurikuchikta llankachun mana sakirka.
Kay Supercom kamaywasita anchuchichun rimashka kipa, chay Cordicom kamaywasi willakkunata kamashpa sakirichun nirka, kay kamaywasi llakirishka runakunaman rimana hayñita tikrachichun mañarka, paykuna imashina llaki kashkata rimachun shuk kuskata mañana nirka.
MG/pv/jc-kichwa
