Kay Gobierno Autónomo Descentralizado de Chimborazo kamaywasipak llankakkuna, kamachiy riksishka pushakkunata Comisión Ocasional tantari uyashka karka.
Shinami paykuna Mamallakta, llankaypi rukuyashka runakunaman paykunapak munaymanta, llankaymanta anchurikpi kullkita chayachichun chapan.
Shukka, Consejo Provincial de Chimborazo churashkata hapisha munan, kutin shuktakka Mandato 2 churashka kamachiy rimashkata hapisha munan.
Chaytaka, 8 nikipi rikuchin, paykunata yanapan. Chayta mañak llankakkunaka 40 yupay llankakkunami kan, paykunami llakita charin.
Chay llaktamanta Markakamachik, Mariano Curicama, kamachiyta yanapakkuna, mana llankakkunaman paykuna hapina kashka kullkita kusha nishkamanta llakikuna rikurin nirka, kay llakita tawka kamaywasikunaman rikuchishkata riksichin. Shinapash shuk wanachik kamachiy tiyan, chaytami Consejo Provincial imashina allichinaka, Inspectora de Trabajo de Chimborazo kamachikwan rimanakukuni, nirka.
Markamanta kamachik, kamachiy rimashkata katishpa mañashkata paktachinka. Kutin, Mientras César Robles, GAD de Chimborazo kamaywasipi llankakkunapak kamachiy yachak, llankakunaka paykunapak kashkata mañakun nishpa ukllarka, pusak watata llankaymanta samarinkapa mañakun rimarka, kamachikkuna yanapachun shuyakun nirka.
RSA/eg/jc-kichwa
