Kay Comisión Aampetra, Ministerio de Inclusión Social kari warmi wawakunapak, imillakunapak llakimanta riman.
Shinallatak Ministerio de Inclusión Económica y Social (Mies) willashka arinin, chaypimi llakichishpa yumashka llakita rimanakurka.
Kay llakikunamanta mana wiñaykawsay kipu tiyashkamanta wawapak, imillapak llakita mana alli riksirinchu willarka.
Manarak, kay killkata killkakatishpa, arinishpa, Berenice Cordero kamachik, imashina kashkata riksichirka, pay llankay kallarishkamanta, 270 llakikuna tiyashkata kipushkata riksichirka, chay pankakunata Fiscalía kamachikman riksichishkata willarka.
Kay willaykunata shamuk hunkapimi chayachina kan nirka, tawka ushaykunawan paktashkata rikuchirka, chay willaykunata chay Comisión Aampetra tantari llankamushkatami rikuchirka, shinami iamashina kunankama paktashkata kamachikkunaman riksichirka.
Mamallakta Tantanakuypak ukupi tiyak tantari, pay llakikunata riksishpa Mies kamaywasi imashina waktay llaki kashkata mana alliklla rikun nirka, chayka wawakunapak imillakunapak llakitami riman; chay llakita anchuchinkapaka llakirishka kari warmi wawakunata ukllana, rikuna, yanapana illan nirka; tukuylla llaktaypash illan, wakllichishka hayñikunata kutintak allichina, mushukyachina illan rimarka.
LILA/eg/jc-kichwa
