Kay Comisión Multipartidista, Gabela hawa taripayta kuski killapi kallarinka, kipaman katinka.
Chaypi Fuerza Aérea, Jorge Gabela wañushkata taripanka, Drhuv antanka urmashkata riksinka, César Litardo kamachiy killkak Mamallakta Tantanakuypak karurikuchikpi willarka.
Chay Gabela awka hatun kamachik uchilla antanka rantishka hamirka, chuskukutinmi chay uchilla antankakuna wakllirirka, kipaman chay India llakta Hindustan Aeronautics Limited (HAL) llankakwasiwan rantinkapa yuyarirka.
Kimsaniki kapuk
Tayta César Litardo tantarita pushakman kimsanik willaykunata chayachishka, kay pankapak willaytaka shamuk hunkapak charinka, chaskishka panka ima illushka willayta apamushkatapash riksichinka, kay willaykunata tantariman yaykurishka kamachiy killkakkunaman chayachinka, chaypi imashina tukurishkata rikuchinka.
Chay Roberto Meza, taripak, kimsaniki willayta chayachisha nishpa willarka, chayta kunankama mana riksinchikchu, chaypimi kay Gabela awka kamachikta wañuchinkapa yuyarishkata rikuchinaka nirka, ishakayniki willaypi tantarishka wañuchikkunatami ña willay kallarirka, chaytami katina kan.
EG/pv/jc-kichwa
