Kuan 08:30 sayllamanata, Elizabeth Cabezas, Mamallakta Tantanakuyta pushak chay Radio Centro willana hillaypi, Javier Benedetti, Gonzalo Zurita, Carlos Julio Emanuel willakkunawan rimanakuyta charirka.
Chay rimanakuyka Guayaquil llaktapi pusharirka, chaypimi wañushka awka Gabela hawa rimarka.
Chay willay kipaman Lenín Moreno Mamallakta pushak, llakta wakchayta, Recuperación de Capitales kamachiy hawa rimarka.
Mamallakta Tantanakuyta pushak kay Mamallakta Tantanakuyta kamaywasi hawa ashtawankarin rimarka, chikan chikan llankanata rimarka, mana kamachiyta killkanallachu, kikinkayta, hatunyashpa rikurinatapash rikunami kanchik nirka.
Chay Gabela llakimanta yuyarishpa. “Mana kunkarinamanta, mana yuyariman tikrarka”, mama Elizabeth Cabezas, wañushka Gabela awkamanta rimashpa nirka.
Chay Gabela llakimanta riamashka, taripachun shuk minkashkata churarkanchik nirka, mana hawalla riksina kan nirka, kay tantari ukupika Consejo de Participación Ciudadana y Control Social tantariman yaykurishka kamachiy killkakkunapash kayman yaykurishkami kan nirka.
Chay Parlaméricas tantariman churayta apanka
Chay 10 puncha, sitwa killapi, kay Recuperación de Capitales kamachiyta rikuchirka, chaywan maypimi chinkarishka, shuwashka kullkikunata tarinkapa yanapanka, chaypak achka sumak ruraywan llankanka, chay Parlaméricas tantariman apanka, Canadá llaktapi pusharinka, kayka kallari llankaymi kanka, kay llaki mana Ecuador llaktapilla kanchu, ista llaktakunapipash kanmi, rimarka.
MC/jc-kichwa
