Chay Pila shulkapi, Montecristi kiti, Manabí markapi Seguro Social Campesino kamaywasi 50 watata paktachikpi hatun yuyayri tiyarka.
Chaypimi Elizabeth Cabezas, Mamallakta Tantanakuyta pushak, Lenín Moreno, Mamallakta pushak karka.
Shinallakta María Alejandra Vicuña, Mamallakta Kipapushak karka, Manolo Rodas, Consejo Directivo del Instituto Ecuatoriano de Seguridad Social (IESS) kamaywasita pushak, Manabí markamanta kamachiy killkakkuna chaypi karka.
Chay paklla runakuna rukuyashkakunaman Seguro Social Campesino kamachiypi paykunaman 60 dólar kullkimanta 100 dólar kullkiman, sapan killapi wichiyarka, Salario Básico Unificado kullkita rikusdhpa churarka, paykuna Seguro Social Campesino kamaywasiman kimirishka kanka, tarpuykunatapsh allichishun nirka.
Chay seguro Social Campesino, pichka chunka watata paktachikpi, mama Elizabeth Cabezas, kamahiy arinishkata rikushpa kushiyarirka, kay kamachiywan Seguro Social Campesino tantariman yaykurishka runakunaman achkata yanapanka nirka. “Llankayka hatunmmi kan, kay seguridad sumak llankayta runakuman chayachinata charin”, nirka.
Pakllamanta sinchi llankay
Kay Manolo Rodas riamashpa, payka Consejo Directivo del IESS, kamaywasiwan maki rurayman, chalwayman runakuna yaykurinka, shina alli llankayta hapinka nirka, chay Manabí marka chay Seguro Social Campesino kamaywasiman yaykurishka runakunata charin nirka, chaymanta hampina wasikunashpa achka tiyana kan nirka. Pankakunata chayachinkapaka alli muyukunata tarpuna kan.
MC/jc-kcihwa
