Kamachiy killkakkuna 119 apuchiwan Contraloría General del Estado kamachikta, Superintendencia de Bancos kamachikta, Unidad de Análisis Financiero y Económico (UAFE) kamachikta, wakin kamachiy killkakkuna yanka kullkita hapishkata taripashpa yanapachun mañarka.
Kay arinishkapika Mamallakta Tantanakuypi llankakkunata mana yanka huchachinkachu nirka.
Chay Contraloría kamachikta mashna kullki tukuchishkata riksinkapa kamachiywan mitachikkunata, kamachiy killkakkunata 2013 watamanta llankamukta taripachun yapa mañanchik, shinami paykuna yanka kullkita hapishkata katinmka. Chay kamachikkuna tukurishka kullkita yupachun yanapanka.
Kay UAFE tantari, Mamallakta Tantanakuypi mitachikuna, kamachiy killkakkuna mashna kullkita kullkiwasipi charishkata katinka, chaywan sapan killapi mashna kullkita surkushkata riksinka, mashna yanka kullki yaykushkata riksinka, chayta riksishpa shuk yuyarita surkunka.
Katikuy
Kay Fabricio Villamar, kamachiy killkak, paktakay utkashpa taripachun nikpi, kayshina mana alli, Mamallaktapak shuktak kamaywasikunapipash yanka kullkita hapikukuy yallikushkata riksina kanka nirka.
Mamallakta Tantakuyta pushak, Elizabeth Cabezas, hucha kunkarinata, shuwayta takashun nirka, kay llankayta Mamallkatapak kamaywasikunata sumaychashka katina nirka, chay hawa kamachiy killkakkuna. Tukuy kamachikkuna kay ancha llakita harkankakama sinchita llankana kan nirka.
MC/pv/jc-kichwa
