Kay exministro de Finanzas, Carlos de la Torre, yallik kamachik paypak llankayta Mamallakta Tantanakuypi ukllarka.
Shinapak llaktay wanachiyta rurachin mañashkami kan. Pay 300 hunuta shuktak mutsuyman kacharka.
Kay kullkita Solidaridad a la Cuenta Única del Tesoro kullkimanta hapirka, chaypak kamachiykuna rimashkapi hapirishpa kacharkani nirka.
Kay Torres kamachikta wanachinkapa, Rina Campaín, Tanlly Vera, Carmen Rivadeneira kamachiykuna mañan, payka Manabí, Esmeraldas markakuna 2016 watapi wakllirishka allichirichun yanapana kachun kullkimi karka, shinami Kamachiy rimashka, yanapana kullki kakta panta kacharka, chaytami hamin.
Kay 300 hunu kullkita, chay Cuenta Única del Tesoro kullkiman kachashka nirka, chay kullkiwan Gobiernos Autónomos Descentralizados (GAD) llankayman chayachun kacharka, chayka kamachiypi rikukpika pantami kan, tukuylla llakkunaman paykuna llankashkamanta kullkita kunkapa kacharka, Mamallaktapi llankakmanpash kacharka.
Kay sumakrurayta rikushpaka, chay kullkikunaka shuktak ista llakta yanapashka kullkimi karka, shinallatak kay Mamallaktamanta ayllukuna, markakuna, kamachikkuna, tantarikuna tantarishpa 3.000 waranka hunu kullki yanaparirka, istallaktamanta mañachishka kullkikuna chayamurka, shinami chay wakllirishka markakunata yanapankapa kullkita tantarka.
LILA/jc-kichwa
