Kamachik, Elizabeth Cabezas Guerrero, Mamallakta Tantanakuyta pushak, kay Danilo Sylva Pazmiño, Control del Poder de Mercado hatun kamachik kachun tiyachirka, payka pichka watatami llankanka, shinami Kamachiy rimashka 43 nikita paktachinka.
Kay Danylo Sylva kamachikka Consejo de Participación Ciudadana y Control Social Transitorio kamachikkuna, 23 puncha, wayru killa, 2018 watapi akllashkami shamurka, chaypak Lenín Moreno Garcés Mamallaktata pushak shutikunata kashka karka.
Kay Sylva Pazmiño kamachiy yachak kan, 25 watatami llankashpa shamurka, 1992 watamanta tukuylla llankayta pushamurka; shinami Municipio de Quito kamaywasipi llankarka; Presidencia del Ecuador kamaywasipi, Ministerio de Industrias, Comercio, Integración y Pesca kamachik karka; Tribunal Supremo Electoral kamaywasipi, Consejo de Comercio Exterior e Inversiones llankayta pushamurka. Chay Vicepresidencia del Ecuador entre 2007, 2008 watakunapi llankamurka.
Kay Intendente de Abuso de Poder de Mercado, Acuerdos y Prácticas Restrictivas en la Superintendencia kamachik karka, kunanmi kay llankakurka. Kunanka, chay Presidente de la República ante el Consejo de Regulación y Desarrollo de la Información y Comunicación, Cordicom kamaywasipi llankakurka.
Shuktak llankayta pushakushpa, kunanka Superintendente del Poder de Mercado kamachik kanka: kamachik kashpa, llakikuna tiyakpi wanaykunata churanka; paypak llankaywan takarikpi llakikunata allichinkapa arinishkakunata, uchilla kamachiytapash churanka; shinami Kamachiypi, tukuypak uchilla Kamachiypi rimashkata paktachinka, sumakrurayta rurankapa, tukuyllata yanapanka llankaytapash pushanka.
Llakikuna, wanachikuna tiyakpi, achiklla sakirichun ishkantin llakirishkakunawan rimanakuchishpa llakita achiklla sakinka; kamachiypak karmata katishpa arinishkakunata ruranka; mutsurikpika allita yachak runakunata shutichishpa llankachun churanka shinami chay Superintendencia ukupi llankanka.
EG/pv/jc-kichwa
