Mamallaktapak 549 yupay tantaripi kamachiy killkakkuna kay Universidad del Rio en Guayaquil wiñachina kallari atinakuyta yallichirka, chayka Guayaquil llaktapi yachachinata kallarinka, amawtata, sumakrurayta, runakunamanta, mushuk llankaykunata yachachinka.
Shina Mamallaktapi kullki llankaykuna mirarinka. Chay Universidad del Río yachaywasika, 1996 watamanta, Campus Guayaquil de la Universidad Técnica Federico Santa María (UTFSM) de Chile yachana wasipi llankaypi tiksirishpa wiñarin.
Kay yachanawasika Ingenierías Ambientales, Desarrollo de Software, Gestión del Transporte Aéreo, Negocios Internacionales, Diseño Gráfico, Economía, Mercadotecnia, Administración de Wempresas yachaykunata kunka, shina Mamallaktapi llankaykuna wiñarishpa kullkipash mirarinka, Mamallaktapak Llankayñanta paktachinka.
Kay Universidad del Río yachaywasika sukta hunu runakunatami yanapanka, Puerto Principal llaktapak 5 mana kashpaka 8 kiti llaktakunatami yanpanka, chusku hunu kari warmi runakunami 17 watata charin, paykunami yachanata mun.
Kay 2015 watapika, Consejo de Educación Superior (CES) kamaywasi riksichun yaykurirka, chay watapimi Fundación Nicasio Safadi kamaywasi, Pontificia Universidad Católica de Valparaíso de Chile yachaywasi tumpishka karka, chay kipaman Universidad del Río wiñarina yuyaykuna tiyarka, chaymi Elizabeth Cabezas Guerrero munashka paktan.
Kay Consejo de Educación Superior – CES kamaywasi, Consejo de Aseguramiento de la Calidad de la Educación Superior kamaywasi, Secretaría Nacional de Planificación y Desarrollo (Senplades) kamaywasi tukuy mutsuykuna paktashkata rikurka, shinami Mamakamachiy, kamachiy rimashkata paktachirka, chaymi kay yachaywasi wiñarichun ñanta kurka.
Kay Comisión de Educación, Silvia Salgado pushak, mañaykuna, yachaykuna, mashna yachanata munakkunata, alli willayta rikushpa wiñarichun tatkita kurka, yachakukkuna alli amawta yachayta hapichun arinirka. Shina tiksi hayñita, tukuyllata, shukpaklla kamaywasikuna, runakunata achkata yanapanka, yachachinka.
RSA/vsd/jc-kichwa
