Kay 91 kamachiy killkakkunapak apuchita yupanaka yapa sinchimi kan nirka, kamachiy killkakuna willana hillaykuna, llaktayukuna rikushka kana riksinami kan nirka.
Wakin kamachiy killkakkuna llaktayukkunata mana yanapashka, paykunapak munaytalla hawaman churashpa apuchikpi mana alli rikurin nirka.
Chaytami allikayta, apukanata pakin, subrayó Elizabeth Cabezas Guerrero Mamallakta Tantanakuyta pushak rimarka.
“Yallik hunkapi, CREO llaktay tantarimanta kamachiy killkak, shuk kamachiy killkak pantarishkamanta wanachinkapa 91 apuchi tiyachun mañarkanchik, shinallatak chay llakikuna tiyashkakamanta shuk hatun kamachikta surkushka karka”, shinami yuyarirka.
Chaymanta yalli, kunan pachami Mamallakta Tantanakuypak, Mamallaktapak yapa tiksi kan, Mamallakta Tantanakuy llankaywan rikuchinataa charin. Mana alli llaktaykuna washaman tikrachin nirka, chaymi achkata pantachin, ñukaka ishkay hunka washamanta llakirishpa shamuni, chay llakikunawan ashtwan sinchiyashkanchik, Mamallakta Tantanakuyta sumaychani nirka. Shinami shuwaykuna anchuchinata munanchik nirka”, rimarka.
Shinami Según Elizabeth Cabezas pushakpak yuyaypika, Mamallakta Tantanakuypak sumaykayta allichina pachami kan nirka, imashinami “Ecuador llaktapak shutipimi llankanchik, achka runaknami kuyay shunkuta charin, paykunaka runakunapak hawapi mana mintalanchu, llakimanta mana mitikunchu”.
“Kamachiy killkakkunapak shunkupi alli yuyay tiyanka, kayaman alli llankakkuna ñawpakman katinka, llankaykunawan paktanata usharinka”, tawka llaktay tantarita pushakunawan rimanakuyta charishkata riksichirka, may alli kashkata riksichirka, Mamallaktapi alli runakunapak alli shunku yanapaywan kay mana allikunata pichana, alli tupukuna churana nirka.
EG/pv/jc-kichwa
