Kamachik, Elizabeth Cabezas, Mamallakta Tantanakuyta pushak, Creo llaktay tantarita mañarka, kamachiy killkakkunapak 91 apuchita yupanaka yapa sinchimi kan nirka.
Kamachiy killkakuna willana hillaykuna, llaktayukuna rikushka kana riksinami kan nirka.
Wakin kamachiy killkakkuna llaktayukkunata mana yanapashka, paykunapak munaytalla hawaman churashpa apuchikpi mana alli rikurin nirka, chaytami allikayta rikuinka.
Kay mañaytaka, Fernando Flores kamachik kutintak llaktay wanachiman kayashka kayachun mañan, kay mañayka Fabricio Villamar kamachiy killkak churashkami kan, shina kashpaka Mamallakta Tantanakuyta pushak shuk willayta churachun nirka, shinami 137 kamachiy killkakkuna apuchitaa churanka.
Kay mañaykunata Mamallakta Tantanakuy rikunata charin, ashtawankarin Sofía Espín, Norma Vallejo kamachiy killkakkunapak llakitami, chay Comisiones Multipartidistas tantariman yaykurishka kamachiy killkakkuna kutintak arininka.
Kay llakita rikushpa, Elizabeth Cabezas llaktayukkunata, willak hillaykunata, kamachiy killkakpak apuchikunapak shuyashka, mana chaypi kashka apuchita rikuchun mañashka, kay Función Legislativa kamachiyka shuwayta, kunkarinata harkanka.
Mamallakta Tantanakuy kallari llankana
Mamallakta Tantanakuyka llankayta katina, llakikuna maymanta rikurishkata riksinka, shina paypak llankana katikilla paktakushkata rikunka, kay llaki imashina sakirikta riksinkapa, kutintak mishak apuchikunata churachun kayanka, shinami 137 kamachiy killkakuna rimanakuypi kanka.
LILA/pv/jc-kichwa
