Kaya chilla, 21 puncha, 10:30 sayllata, Hidrocarburos, Carlos Pérez kamachik, Biodiversidad Tantariman shamunka.
Payka bloque Ishpingo kuskapi, Parque Nacional Yasuní ukupi punkarata surkunamanta rimanka, Cascales mayupi chukita surkunatapash rimanka.
Punkarata surkuna
Imashinami yuyachinchik, Hidrocarburos, Carlos Pérez kamachik, payka Hatunkamachik, chay Ishpingo allpapak pampamanta punkarata surkunamanta, chay Yasuní llaktapak allpakunapi sakirin. Chay llaktapika 53 runa tantarikunami kawsan, paykuna pachamamapak hayñita ukllan, kaytami shuktak runakunaka mana alli kan nirka, kaytami atirkakuna.
Chuki
Chay Cascales kiti, Sucumbíos markapi, kay llaktatapak mayukunapi kurita mayllan. Shinami Fredy Alarcón kamachiy killkak, payka Comisión de Biodiversidad tantaripi churashka wanayta tikrachichun mañanka.
Chuki kamachiy mushukyaykuna
Kipaman, minkashkaman yaykurishka kamachiy killkakkuna Absalón Campoverde, shinallatak chay Zamora Chinchipe, markamanta shamuk, paymi imashina Chuki Kamachiy paktakushkata willanka.
Shinami Campoverde kamachiy killkak, Minería kamachiypak wakin nikikunata allichina hawa rimarka, chay chukikunapi llankak tukuy llaktakunamanta yaykurichun mañarka, wakin chuki allpakunata hapinka, chuki surkuna kuskata hapinka.
Ama hatun chukita surkun llankaywasikunatalla yanapachun rimarka, ayllullaktakunata, sapsi llaktakunata yanapachun mañarka, chuki uchilla, paktalla llankakwasikunatapash yanapachun, paykunapash alli llankaykunata rikuchishpa chuki surkuypi chimpapuranka.
JLVN/pv/jc-kichwa
