Kay Consejo de Administración Legislativa tantari, mushuk Navegación, Gestión de la Seguridad y Protección Marítima kamachiyta alli kan nirka.
Kay kamachiyka Elizabeth Cabezas Guerreo Mamallakta Tantanakuyta pushak churashkami kan.
Chaymanta kay kamachiytaka chay Comisión de Relaciones Internacionales tantaripimi shamuk hunkapi rimanka, imashina allichishkapi paktashkata rikunka.
Kay kamachiyka Mamallaktapak mamakucha ukupi tiyak pampakunata, yaku hawapi llankaykunata, ista llaktakunawan llankaykunata, sumakruray uchilla kamachiykunata allichinka, shinami mamakuta kamanka, ukllanka.
Kamachik Elizabeth Cabezas killkashka pankapika, Ecuador llakta, mamakuchata charishkamantami hawapi kan, chayka ñukanchikpak awkimi kan nirka, chaymanta mashi Mamallaktakunawan rimayta charina, ishkantinpura llankana kanchik, paykuna wampuy llankaypi, chalway llankaypi makita kun nirka.
Shinami Mamallakta Tantanakuyta pushak, ushak kamaywasikuna, Mamallaktaman llankana manuta charik mamakuchata kamankapa ukllak tupukunata churana kan. Chay llankayta runakuna, awkakunapash ñukanchikpak mamakucha llaktata kamana kan nirka, Derecho Marítimo Internacional kamachiywan, Convenios Internacionales sobre el Derecho de Mar kamachiywan chimpapura kana kan, Ecuador llaktapash chaypi yaykurishka kan.
Kay ukupi, kay kamachiyka Mamallaktapak mamakuchapi llankankapa charimushka shuktak kamachiykunapak rantin llankankapa, chay paya kamachiykunaka ña mana kunan pachapi kawsak runakunawan llankanata ushanchu, shuwaykunata harkanata mana ushan, shuwashpa chalwakta mana harkan.
JLVN/jc-kichwa
