Kay Comisión de Relaciones Internacionales tantari, chay Convención Interamericana contra el Racismo, la Discriminación Racial y Otras Formas Conexas de Intolerancia kamachiyta rikun.
Chayka 5 puncha, raymi killa 2013 watapi churashkami kan, chaymanta tukuy llaktakunapi, kitikunapi, ayllullaktakunapi, markaunapi, maypi runa kawsay kuskapi paktana kan.
Kay kutinka, Douglas Quintero, Fundación Afroamericana XXI pushakta chaskirka, payka Tsikni runakunapak hayñita apuyta saywan nishpa riksichirka. Kay Ecuador llaktaka, hayñita charik Mamakamachiyta charikmi kan nirka, kikinkayta, paktakayta charik, Mamakamachiyta charikmi kan, yapa nirka.
Shinallatak, sumaykaymi runakunapak hayñita wiñachin nirka. Chaypmi paktakay, chaymi runakuna chikan chikan kayta riksichin, tukuykunami pakta pakta kanchik yuyayta hapinkapa, chikan kak runata chaskina kanchik, tukuykuna runapak hayñita paktachina kanchik nirka.
Paymanta, Katerine Chalá, Colectivo de Mujeres Afroecuatorianas tantarita pushak, Mamallakta Tantanakuy kay tsiknishka runakunata yanapankapa hatun tatkimunata kushpa yanapashka. Imashinami, Declaratoria del Día Nacional del Pueblo Afro hatun willayta arinishka, kay Creación de los Consejos de Igualdad kamachiyta arinishka.
Shinapash, tukuylla llaktay tiyana kan nirka, Mamallakta tukuypak kullki, llaktay, kawsaytarpuy tiyachun, kullkita churachun kamachiy tiyana kan nirka, shina tukuy llaktakuna, runallaktakuna paykunapak llankaywan wiñarichun mañana kan nirka.
Kamachiy killkakkunaka chay Plan Plurinacional para Eliminar la Discriminación Racial y la Exclusión Étnica y Cultural llankay imashina katikushkata rikunkapa katina kan nirka, kawsaypura llaktay kamaywasi tukuchun tankanata mashkana kan nirka.
JLVN/pv/jc-kichwa
