Kay 14 puncha, aymuray killa, 2017 watapi Grupo Parlamentario de Bienestar Animal tantari llankay kallarirka, kay llankana wachuta churarka.
Shinami pachamamapak, wiwakunapak hayñita ukllanata kamachiy killkakkunaman yachachirka, pakllapi kawsak runakunwan tantarishpa llankana yuyayta churarka.
Kamachiy killkak Jorge Yunda, kunan puncha imashina 18 killata llankashka willayta chayachirka. Shinami Galápagos llaktapi shuwashpa chalwakkunata harkankapa, shuk hatun yuyarita Mamallakta Tantanakuy arinichun usharka.
Shinallatak kay Código Orgánico Integral Penal (Coip) mushukyarichun achkata llankarka, chaywan sachakunata, wiwakunata wañuchina huchata harkanka.
Kay Ecuador llaktapi alinku wayakata, tsunkakta mawkayachina hawa rikunkapa kamachiy yanapanka; shinallatak wawakuna maypi llaki tiyak kuskaman ama yaykurichun harkanka, wiwakunata katunata harkachun Código del Ambiente kamachiy achkata llaktakunapi yanapanka.
Munaykuna
Ruraypi mishanakuna: kay Ecuador llaktapi wiwakunapak hayñita riksichun shuk kamachiyta churana; wiwakunapak hayñikuna hawa suyupi hatun yachayta rurana; sacha wiwakunata riksinkapa chay Esmeraldas kitiman rina; wiwakunata kuyana, rikuna, ukllana yachaywan katina.
Kay rimanakuykuna kipa Grupo Parlamentario tantari, Washington Paredes Torres kamachiy killkakta kay llankaykunawan katichun, Galápagos markapak shutipi pushak kachun churarka.
MG/pv/jc- kichwa
