Kay hunkapi Mamallakta Tantanakuy 2019 watapak, Mamallaktapak kullkita, 2019 watamanta, 2022 watakama hatun kullkita arinirka.
Mana yapa shukta kullkimanta manuchun mañarka, shina Mamakamachiypak 295 nikita paktachinka, shuktak kamachiykuna rimashkatapash uyanka.
Mamallakta pushak 10 punchapi allichinka, kipaka kutintak Mamallakta Tantanakuypak makiman apamunka.
Llankayta kamana ukupi, Mamallakta Tantanakuy 77 apuchiwan, María Alejandra Vicuña, Mamallakta kipapushak, llankaymanta anchurichun arinirka, pay kamachiy killkak kashpa, payta yanapakta kullkita kuchun mañashka nishpami huchachin, chaymanta pushaymanta anchurinka.
Kamachiywan llankay
Mamallakta Tantanakuy, chay Defensoría del Pueblo kamachkiyta, Acuerdo sobre Medidas del Estado Rector del Puerto Destinadas a Prevenir, Desalentar y Eliminar la Pesca Ilegal, No Declarada y No Reglamentada kamachiyta rimarkakuna, kaytaka: kamachiywan, llaktaywan, chaypak ruraywan, llankayta rikuywan, chapaywan katinka.
Ishkay kutin, antawa purichik tantarita chaskirka, paykuna kay Tránsito Kamachy allichirichun yuyaykunata churarka, kay Kamachiywan antawakuna ama sinkuchun harkanka, shina runakunapak kawsayta ukllanka, chay llakikuna ña mana ashtawan mirarishpa katinka.
Kay Comisisón del Derecho a la Salud tantari, chay Prevención y Sanción de la Violencia en el Deporte kamachiyta ishkaykutin atinakuchun allichirka, shinami ama takaykuna tiyachun harkankapa hillaykunata wiñachirka, mirachirka, kamachirka.
RSA/pv/jc-kichwa
