Chusku hatun kamachikkunami chay Guayaquil llaktapi 18 pakta runakuna hampina wasipi wañuskata, 12 pakta runakuna chukririshkata riksichichun Mamallakta Tantanakuy kayanka.
Musparishka runakunata hampina wasipimi chay llaki tiyashka kan. Kay Comisión de Fiscalización tantarimi imashina kay llaki kashkata katinka.
Kay Twitter willaypi, Elizabeth Cabezas, Mamallakta Tantakuyta pushak Mamallaktapak hatun kamachikkunata kayana nirka, paykunaka: Educación, Milton Luna kamachik; Salud, Verónica Espinosa kamachik; Interior, María Paula Romo kamachik; Inclusión Social, Berenice Cordero kamachik kan. Paykunami muspachik hampikunata harkanamanta rikunka.
Mamallaktaka kay llakikunata anchuchinkapa yacharishkami kana kan, utkakshpa llakikunta harkanata makipi charin. Chaymanta paykunawan kamachiyta paktachinkapa yuyayrinata charin, runakuna imashina Mamallaktapi kawsakta riksinka, kay llakikuna ama chayachun sinchita llankanka.
Willana hillaykunapi rimashpa, Mamallakta Pushak kamachiykunata allichishpa tikrachishka hawa rimarka, kipaman Mamallakta Tantakuyman kachamunka nirka, Mamallakta Pushak punchanta rimanakuy tiyan nishpa willarka, kunan chaska 11 puncha, allichishka Defensoría del Pueblo kamachik shamurka nishpa willarka.
Mamallakta Tantanakuypi llankashpa katinamanta, shamuk aymuray killamanta llankakpash katinamanta rimashpaka, chaypi imatapash mushuk kamachikkuna 2021 watakama tiyarinka nirka. Shutika mana nishaninkachu, kay llankaykuna ñawpakman katichunmi alli kanka nirka. Kamachiy killkakkunami riksin, hatun kamachikkuna kasiklla llankashpa katinami may alli kan nirka.
LILA/ds/jc-kichwa
