Wasikuna hunta. Chunka warmi yachachirka. Sapan warmikuna rimakpi, yachachikpi illapa achik chilina pulpuwan, maywa tullpuwan kushiyachirka.
Chay rimayka #Tengo voz soy MUJER shutimi karka, shinami Mamallakta Tantanakuypak José Mejía Lequerica ukupi, pawkar killa 8 puncha, Día Internacional de la Mujer kashkamanta pusharirka.
Kay yachaykuna warmipak yuyayta, munayta, llankayta, kawsayta hawayachirka, hatunyachishpa tukuy kari warmi runakunaman rikuchirka.
Tawka kutinmi kamachiy warmipak hayñita paktachichun mañarka, kari warmi pakta llankachun, yachachun mañarka. Tukuysami rimayta charishpa, mana allikunata hamichun, takachun, pmpachun, Mamallakta llaktay llankayta pushachun mañarka.
Kamachik, Elizabeth Cabezas Guerrero, Mamallakta Tantanakuyta pushak, llaktay takayka tawsamimi rikurin, imashina: warmi kakpi wañuchishka, warmipak yachayta, yuyayta amsayachin, willay llikapi yanka wrmi ahay, chaymi kikin kuyayta anchuchin.
Chaypi kana
Kay Corporación Participación Ciudadana, Ruth Hidalgo pushak, warmikuna llaktayta pushana nirka, mana warmipak yachaytalla takashka kanchu, paypak yuyaytami takashka kan, warmi karipak yallita llankashkamanta, karipak ranti kuskata hapishkamantami alli yuyayta harkashpa takan.
Shinallatak, CNE kamaywasimanta, Diana Atamaint kamachik, yachaywanmi llaktakunapak llankayta mushukyachishpa katinka, kallari Shuar wami kani, nishpa tukuykunapak ñawpakpi riksichirka, paymi tawka kamaywasipak punkuta pushak karka.
Shinallatak, Dolores Miño, warmikuna rimayta kishpirishka DDHH. “Tawkasami yuyaykunamantami yachaykuna tiyashka, chaywanmi llakta ushayta wiñachishka. Mamallaktami warmikuna yachaypi, llankaypi, tantari, pukllaypi kachun yanapanata charin ”, nishpa rikuchirka.
SV/lila/jc-kichwa
