Kay Derechos de los Trabajadores y la Seguridad Social tantariman, chay ministros de Trabajo, Andrés Madero kamachik; de Salud, Verónica Espinosa kamachik; Educación, Milton Luna kamachikta kayashka kan.
Paykuna imamanta tukuylla awllikkunata llankaymanta llukshichishkata willanka, chayta uyashpa kamachiy killkakkuna huchat charikta wanachina, mana wanachnatapash rikunka.
Kay kamachikkunataka Mamallakta Tantanakuypak minkashkata pushakmi kayashka kan, Liliana Durán, shamuk 13 puncha, kay 14:00 sayllamantami rimanakuyta charinka. Chaypi imashina ñakarita rikuchinka.
Tawka tukuy llankakkuna llankaymanta llukshirishkata rikushpami Mamallakta Tantanakuy kay tuputa kallaripi churan, chusku punchata samarikuna tiyakpi, pawkar raymi tiyakta rikushpa llankaymanta surkushka. Pawkar killa 1 punchamantami waranka waranka awllikkunata surkushka, kaytami tukuylla willay huchachirka, llakita charik awllikkunami huchachirka.
Shuk puncha washaman, allikawsaypi llankay yuyarita charikkuna surkushka uyarirka. Kipaman unkukkunata mayhanpash mana chaskinata usharka, chayta rikushpami kutintak awlliman tikrachimuchun mañashka, imamanta surkushkatapash rikuchun mañarka.
Tayta Joaquín Chaluisa, llankak tantarita pushak, surkushka llankakkuna tukuy kayta rikuk kamachikkunaman chayashun nirka, llankayman kutintak tikrachimuchun mañashun nirka, chay llankaypillatak shayachichun mañashun nirka.
Kamak kamachikkuna, rurak kamachikkuna llankaymanta llukshishkatami rikurka, llaktakunaman Mamakamachiy llankana hayñita churashkatapash rilunkami nirka, llaktayukkunaman allikawsayta kuna ama washaman sakirichun achka runakuna mañakun, tantarikuna, kamaywasikunapash shinallatakmi mañan.
RSA/eg/jc-kichwa
