Kari warmi llaktayukkuna llaktayta kutintak hapishpa, Mamallakta Tantanakuypi, ParlAmericas tantarikuna alli llankayta rurachun shuyanka.
Chayta yuyashpami Red de Parlamento Abierto tantarita wiñachirka, chaywan América y el Caribe llaktakuna paykunapak kawsayta, llankayta, llakita rimanakunpa tantarinka.
Kay IV Encuentro de la Red de Parlamento Abierto rimanakuy kunan tutamantamanta kay Quito-Ecuador llaktapi kallarirka.
Shinami 27 Mamallakta Tantanakuykuna shamurka, kay tantaritaka Parlamericas tantarimi pushakun, ista llaktakunapak tantarimi kan, apyayalapak 35 América, Caribe tantarimi kan. Kunanpika Control político, transparencia, participación ciudadana yuyaykunatami rimanakunka. Kay tantarika, kay killa, 12 punchamanta, 14 punchakama pusharinka.
Kay Ecuador llakta, kay Función Legislativa kamachiyta allichishpa, Coordinación de Estudios y Técnica Legislativa llankayta pushanka, shinami manarak kamachiy killkarikpi alli yuyaykunata churan, shinami Elizabeth Cabezas, ParlAmericas pushak, payllatak Ecuador llaktapi Mamallakta Tantakuyta pushak kan.
Mamallakta Tantanakuypura makita kushpa shuwaykunata harkankapa shuk kamachiyta churashun nirka, shinallatak llankashun nishpa Roberth Nault, Canadá llaktamanta kamachiy killkak rimarka, payka ParlAmericas tantarita pushak kan. Shuwaykunamantami allpapachapi $ 2,6 billones kullki chinkashka nirka. Chay kullkika 5% patsakri Producto Interno Bruto global kullkimanta kichushka kan nirka, mana tiyashka hayñitalla kichunchu, runa wiñarinatami kichun nishpa rimarka.
Kay Foros del ParlAmericas tantarika, Mamallakta Tankuypak llankaykunata sinchiyachinkapami may alli kan, llaktakunapi alli ruraykuna, yachaykuna, kamachiywan huchachishkakunata paktachinkapa achkata yanapan, runakunaka huchakunata, shuwaykunata anchuchichunmi yallita shuyan nirka.
LILA/jc-kichwa
