Payka, 16 watata charin, Mamallakta Tantanakuyman kachashka kan. Paypak shutika Queeny Argoti shutimi kan.
Chay 137 kamachiy killkakkunami 15 watamanta, 17 watakama charin. Kunan, 15 puncha, chusku rimanakuyta charirka.
Chaymanta muspachik hampi hawa, takay, chinkarik, shuwaykunamanta rimarka, shuwashka kullkita tikrachimunamanta rimarka.
Pushakka kuytsami kan, imanta rurakunita yachanmi: mishki rimaytami charin, mashikuna hawalla rimanachun pachata kurka mana washayana nirka, ima hawa rimakushkapi yuyayta churana nirka, yuyayta churana ushachirka, killkakamayukta shutita hapichun, apuchita yupachun mañarka.
Rimanakuyka 08:00 sayllata kallarirka, 13:00 sayllakama pacha suniyarka, tukuykunami rimarka. Kay rimanakuymanka; Biligüe Tinku Yachay, Bilingüe Muyu Wasy, 15 de Diciembre, Celiano Monge, Mejía D7, Aída Gallegos de Moncayo, Carlos Ponce Martínez, Santa Cruz de la Providencia; Juan Pablo II Fe y Alegría, Quitumbe, Academia Aeronáutica Mayor Pedro Traversari, Vida Nueva yachanawasikunami rimayta charirka.
Kay Mi Colegio shutiwan yachakukkuna rimayta charirka, kay mushukm llankaytaka Mamallakta Tantanakuypi yallik watamanta pushamun, kay rimanakluypimi pakta runakunapak, mutsyuykuna, llakikunata pushamun, apuchikunawanmi minkashkunata akllashpa llankaypi tiyachin, kipam paykunapak alli kachun rimaykunata churan, kamachiyman mushuk yuyaykunata churan.
LILA/sv/jc-kichwa
