Llaktakuna, yachakukkuna, kamachikkuna tawkakutin mañakpimi Comisión de Educación tanatrioman Carlos Durán, viceministro de Salud kamachik, Salud y Trabajo-llankayta willankapa shamurka.
Shinallatak, chaypika (reconocimiento económico) kullkita, Medicina, Enfermería, Obstetricia y Nutrición yachakukkuna hapinata willarka, paykunaka yachanawasipi llankashpa yachan.
Kay Ministerio de Salud Pública (MSP) kamachikka, Mamallaktapi kullki illakpimi mana kullkita churashkanchik nirka.
Shinallatak Argentina, Colombia, Chile, Honduras llaktakunapi kullki yanapayta mana chaskinchu; Nicaragua llaktapika, hampikta yanapay yachakukkunaka $200 kullkita hapin, hampinata yachakkuna $300 kullkita hapin, chay Perú llaktapi, $120 kullkita hapin nirka. Chay Ministra de Salud kamachik, yachakukkuna shuk rimanakuyta charina kakta riksichirka, shina llakikunata allichinka.
Kutin, Universidad Central, Fernando Sempértegui kamachik, yachakukkuna sapan hunkapi 80 sayllata llankashpa, mana alli yachayta hapin nirka, chay 16:30 sayllamanta, kaypi tiyak hampikkunawan tanta, runakunapak hampina llakita chaskin. Chaymanta yachakukkunaman, paykuna llankashkamanta kullkita kunkapa churachun mañarka.
Anchuchi
Shinallatak Andrés Santos, Mario Zambrano, Wilson Luna, yachakukkunapak pushakkuna, kay yuyarikunata churashkawan mana chay yuyaywan karka, chay Ministerio de Salud kamachikwan rimanakuyta charinkapa yuyayta charirka, payka ama kullkita kichuchun mañarka. Kamaywasipura manarak yuyarita charikpika $591 kullkitami hapina karka, kunanka $200 kullkitallami wakinpika hapina tukurka, chayka llakimi kan.
SV/jc- kichwa
