Pay Elizabeth Cabezas, Mamallakta Tantanakuyta pushakpak kallari llankayka rimanakuyta charina, tukuykuna shuklla yuyayta charinami karka.
Payka Mamallakta Tantanakuypimi 15 killatami llankarka, chay pachaka 21 kamachiykunatami arinichirka, 66.6 % patsakri kamachiykunami arinirishka.
Shinami Ecuavisa karu rikuchikpi, Radio Exa-Democracia ankipi tukuy Mamallaktaman, ayllullaktakunaman, kitikunaman, shulkakunaman uyachirka.
Kamachiykunata llankaypika tukuymi achiklla karka, tukuy llaktay samikunata mana washaman churanachu nirka, “ashallakuna huchata charishkamanta” mana tukuyta waktanachu, kay llakikunami llaktayukkunata yanapashpa llankak runakuna katichun ñanta harkan, mana ushachin nirka.
Kay Gracias a la Agenda Legislativa Priorizada llankayta yupaychashpa, kayka shamuk kamachikkuna kallari llankana kan, Mamallakta pushak rimarka. Paypak llankana mitapi kamachikkuna llankashkata katirka, kanchis llaktay wanachita rurarka, Hatun Kamachikpak awllikkunata wanachirka.
Mamallakta Tantanakuypi llankayka sikaymi karka, llankayta pushana pachakuna llaktaykunaka mana yanaparkachu, chay Alianza País pakirikuk pachami pay hatun Pushak tukurka. Hatun llakikunawanmi ñitkarirka, tukuykunami Mamallakta Tantanakuypak llankayka llakta ushayta sinchiyachina kakta riksin.
Shamuk kamachikkunata akllaypika, sapan llakta tantarikunaka payllatak pushakta churanata mana ushanchu, chaypak paypura kimirinakushpa, rimanakushpa, yuyarinakushpa hatunkamachikta churanata ushan nirka. Ashtawankarin Mamallakta Tantankuypak llankaytami rikuna kanka nirka.
Pay hatun llankayta pushaypika chay Acuerdo Nacional por la Gobernabilidad llankayta, Otto Sonnenholzner, Mamallakta Kipapushakman chayachishkami may hatun llankay rikurin, chaypika 250 tantarikunami chaypi karka, yuyayta churarka.
SV/ds/jc-kichwa
