“Ñukapak, Mamallakta Tantanakuypi llankaypika mana amsalla tiyarkachu”, shinami runakunapak, kamachikkunapak, llaktakunapak ñawpakpi Mamakllakta Tantanakuyta pushak rimarka.
Payka kay 8 punchami Contralor General del Estado kamachikta, imashina Mamallakta Tantanakuypi llankashkata pay llankashkata rikuchichun mañarka, kaykuna imashina kashkata rikuchichun mañarka, kullki imashina 2018 wata, pawkar killa, 14 punchamanta, aymuray killa, 14 puncha, 2019 watamanta rikuchichun mañarka.
Shinallatak RE-AN-003-2019 mishanakuyta riksichichun, ruraykuna, kapukyay, willaykuna kashkata rikuchichun mañarka, shina tukuy llankaykuna achiklla sakirichun munani nirka.
Mayhan kay willayta surkuk runaka, sarun killakunaka willana llankaytami pushak karka, Mamallakta Pushakta yanapak mana karkachu; chaymanta chay willay kachayta, imashina kashka achiklla sakirichun chaypilla sakishishka.
Mamallakta Tantanakuypi, kallari punchamanta llankaypika, llankayta chapak kamachikkuna sapan puncha allinta rikuchun mañarkani, chay mañaytaka yallik watakuna llankashkata kunan, ñuka llankashkatapash rikuchun mañarkani nirka; kunan mushuk kamachikkuna tiyarina punchakuna, ñukata mana alli rikushpa, ahashpa chay llakita surkuyka mana allichun kan, nirka.
jc- kichwa
