Mamallakta Tantanakuy, chay Derechos de Trabajadores minkashkaman, Gobiernos Autónomos minkashkaman, Educación minkashkaman kamachikkunata churanka.
Shinami César Litardo Caicedo, Mamallakta Tantanakuyta pushak, Teleamazonas karurikuchikpi willarka.
Shinallatak rukuyashkakunata yanapana, llankayta katina, Fomento Productivo kamachiyta rikunka.
Ñami kimsa minkashkakunata churarka, shinami chay Legislativa kamachiypak 23 nikipi riman nirka, akllarina shutikuna kakta, kallaripi killkarishkata katishpami kayanka, pusak punchapi mana akllashka kakpika Mamallakta Hunta tantarimi churanata ushan, shinami kamachiy rimashkata paktachinka.
Mushuk Fomento Productivo II kamachiy
Mamallakta Tantanakuyta pushak, kay Fomento Productivo II hawa rimarka, kay kamachiy ishkay, kimsa hunkapi chayanka. Kay kamachiywan llaktakunapi llankaykunata wiñachinka, chaypi runakuna llankanka, chaymanta kullkikuna ayllukunaman, Mamallakta yaykurina nirka, shukpaklla llankaykunapash mirarinka.
Mamallakta Tantanakuypi llankay, llankayta katinapash
Shinallatak Mamallakta Tantanakuypi, paypak llankayta kallaripi churashpa, chikan chikan llankaykunata pushanka, César Litardo, rimarka. Mamallakta Tantanakuy kunan mitapi 10 wanachina mañaykunata rurashka, tawka tukuylla kamaywasikunata mañashka, kunan watapi llankak kamachikkuna llankayta rikuchichun mañashka.
Ruku runakunata yanapay
Mamallakta Tantanakuyta pushak, 28 puncha, aymuray killa, Mamallakta Tantanakuypak hatun kamachikkunawan rimanakuyta charinka, chayman Trabajo, Finanzas hatun kamachikkuna shamunka, paykunawan imashina ruku runakunata yanapanata yuyarishka paktakun, chaypi sakirishka imata katinkapa yuyarinka.
LILA/eg/jc-kichwa