Chaymi Soberanía Alimentaria y Desarrollo del Sector Agropecuario y Pesquero minkashka, kay tantaritaka Lenin Plaza Castillo kamachiy killkak pushakun.
Kay minkarimanta iskun kamachiy killkakkunami kay Plan General de Trabajo llankayta 2019 watamanta, 2021 watakama churarka, kaytaka kamachiy killkaypi, llankaykunata katinapi sinchi rikuyta churanka.
Kallari llankaykunataka, Mamallakta Tantanakuypi llankayñanpi churachun chayachishka kan, imashinami: Fomento y Desarrollo del Sector Agropecuario kamachiy, chay Desarrollo de la Acuicultura y Pesca kamachiy, kay kamachiykunata allichinkapaka.
Shinallatak Juan Bustamante, Diana Saltos, Marcia Arregui, Verónica Guevara, Mauricio Proaño kamachiy killkakkunami yaykurishka kan, paykuna tarpuymanta llankanka; kutin chalwa mirachinamanta Boris Estupiñán, Carlos Bergmann, Liuva Cuesta, Mercedes Serrano llankankapa yaykurishka kan.
Ashtawan, llaktaypi, llankayta katinapi, minkashkakuna tarpuy hawa imatalla llankanamanta Ministro de Agricultura kamachik; Gerente de BanEcuador kamachik; Banco Nacional de Fomento tukuchik kamachik rikunka, chani llaktayta, tarpuypak kullkita mañachinata, paktalla, uchilla tarpukkunaman kullkita mañachinka, kipaman katinka.
Shinallatak, mutsurikpika, tarpuykuna, muru pallakkuna, wiwa wiñachikkuna imashina kawsakta riksinkapa markakunaman chayanka, kaykunata paktachinkapa, tarpuyta, llankayta rikunka, shinallatak mirachinkapa, tantarikunaman yachaykunata sinchiyachinkapa sumakruraykunata churana, chutachina.
EG/jc-kichwa
