Mamallakta Tantanakuy chay Babahoyo llaktapi shuk chukrichishka wawata shuk hampik hampishkamanta, kunan puncha “Dr. Vicente Rocafuerte”, Mérito Social kamarita kurka.
Hampikka Kléber Alejandro Valencia Rodríguez shutitami karka, payka kay killa 10 punchata shuk pirutiwan chukririshka wawata, Babahoyo kitipi yallik punchapi hampirka.
Kay yuyaytaka César Litardo Caicedo, Mamallakta Tantanakuyta pushak churarka, chay pachamanta kunanka llaktakuna riksin.
ChaymantaMamallakta Tantanakuy alli yachakkunata riksinatami charinn nirka. Chay Babahoyo llakta ayllupak yayata shuk antawa sawnashka karka, chayka ancha llakimi karka. Shinallatak shuk wawata yachanawasipi pirutiwan chukrichishkata Kléber Alejandro Valencia Rodríguez hampik amawta hampirka, payllatak hampina wasiman pusharka.
Shinallatak, Valencia hampik amawta, pay hampishkamanta Mamallakta Tantanakuy riksishkamanta, kamarita chayachishkamanta achkata yupaycharka, shuk kamarita karashkamanta shunkumanta kushiyani nirka, chayka tukuylla riksishkami sakirin. “Ñukapak aylluman hatun kushiyaymi kan, yuyayta rikchachikmi kan, shuktak pachapipash shinallatak hampinata ushayman”, yapa rimarka.
Yallik puncha washaman aychawapak uchilla ankuta chakrurka, shina yanapana yuyaytaka ñukapak taytamanta, mamamanta hapirkani nirka. Chaymi ñukallatak shunkumanta shuktak runakunata yanapachun yuyayta kurka, kunanka Los Ríos markata, Mamallakta yanapani nishpa rimayta tukuchirka.
EG/ea/jc-kichwa
