Kay Carchi, Imbabura markamanta kamachiy killkakkuna Desarrollo Fronterizo, Prevención de drogas kamachiywan rimanakurka, Héctor Yépez, Byron Suquilanda kamachiy killkakkuna yapa rimarka.
,Shinallatak Espejo kitimanta, Carchi kitimanta kamachikkunapash chaypi karka, chaymanka 500 runakuna chayarka, Arnaldo Cuacés kitipushak, Guillermo Herrera kamachikpash karka.
Kay Pablo Jurado marka kamachik, Cotacachi, Auki Tituaña kiti kamachik, runakunapsh karka, paymi ashtawankarin runakunapak pakta yuyayta churaka.
Kamachiy killkakkunaman imashina kiti llankanañanta charichirka, chaypimi imashina muspachik hampita runakuna, wamrakuna, imillakuna ama millpuchun harkanata rikuchirka, tukuypak ñawpakpi ama chupachun taytamamawan, ayllukunawan harkana nirka. “Samana pampakunaka ayllupak, wawakunapak kan, mana muspachik hampita chupana kanchu”, Yépez rimarka.
Kay Desarrollo Fronterizo kamachiyta paktachinkapaka, imashina llankakukta katishun, kamachiy killkakkuna nirka, ayllukunaman imashina kay kamachiy yanapakushkatami rikushun nirka, paykunaka istallaktamanta 40 waranka tupu, saywan ukupimi kawsan nirka.
Kay kamachiyka 2017 watamanta llankamun, runakuna paypak kullkita mirachichun mashkan, paykuna kasilla kawsachunmi yanapana kan; kay karu uyarikta, antawapi purinata, zirma ushayta, chirliyakuta, yachayta, allikawsayta, shuktak saywa kuchupi kawsak runakunata yanapak llankaykunatami yanapana kan. Pachamamata, runakuapak kawsayta, runapak hayñita yanapanata charin.
Chay Imbabura marmanaka kamachiy killkakkunaka chay llaktapi kawsak runakuna rimashkata uyarka, Las Golondrinas runakuna rimarka, shulkata rurankapa wakin mutsuykunallami illan nirka. Paymanta Yépez kamachiy killkak arinirka, chay Instituto Nacional de Estadísticas y Censos kamaywasiman willayta kachasha nirka, chaypimi ña shulka wiñarina katinka nishpa kushiyachirka.
LILA/ea/jc-kichwa
