Kay Comisión del Desarrollo Económico tantari chilla puncha tukuylla achikta, llankakwasi wallpatapash rukuykunata churanka.
Chay rimanakuy 09:00 sayllata kallarinka, chaypimi mushukyachishka Servicio Público de Energía Eléctrica kamachiyta, Compañías kamachiyta atinakunka.
Kay yuyayta tawka kamachiy killkakkuna hapishka kan, chaytami mincha rimanakuypika mushuk yuyuaykunata churashpa ashtawan allichinka.
Shinallatak kay Energía Eléctrica kamachiyta kallari atinakuyta ruranka, chay kamachiyta atinakushka kan, chay 3 nikita allichina hawa riman, sitwa killa 16 punchapi rimanakushka kan. Paklla ayllullaktakunapi kanchakunapi, runa purina, antawa purina ñankunapi achik tiyachun mañan.
Mamallakta Tantanakuy rimaypi, wakin kamachiy killkakkuna yalli alli yuyaykunata churana hawa rimarka, chayka, kiti muyuntin ñankunapi, wasikunapi pukllana pampakunapi, tukuypak wasipi, yachanawasipi, tukuypak pampapi achik tiyachun mañarka.
Kay Compañías Kamachiyta allichinkapa 11 puncha, sitwa killapi kallari atinakuyta rurarka. Chaypika Comisión del Desarrollo Económico, Esteban Albornoz pushak, wakin mana alli kak nikikunata allichina kan nirka, chaywan mushuk llankaykuna churana wiñachina nirka, mintalay llankaykunata rurana kan nirka.
Imashinami Albornoz rimashka, kay kamachiy Ecuador llaktapi llankak tantarikuna ashtawan wankurishpa llankachun rikurayana, yanapana, ñanta paskana llankayta charin nirka. Shinallatak Mamallaktapak saywa kuchupi tiyak llankakwasikunapash runakunapak, llaktayukkunapak tawsami ruraykuna, paktaykunata yanapashpa tankachunmi shuyanka.
LILA/ea/jc-kichwa
