Mamallakta Tantanakuy Ecuador llaktamanta pusak kutin sikakta warawarka, payka, Karl Egloff shutimi kan.
Paymi raymi killapi, allpapachapak shutipi Monte Denali de Alaska (EE.UU.) llaktapak awilaman llukshirka, chaypi tiyarirka.
Chaymanta Mamallakta Tantanakuy Vicente Rocafuerte, Mérito Deportivo kamarita kurka, shina kamachiy killkakkuna achkata kushiyarirka, makita waktarka.
Chay sikaypika, Egloff 11 sayllata, 44 chinikuta uniyarka, shinami urku umaman chayarka, kaymanka alpinista español Kilian Jornet ushana karka, paymi 2014 watamanta sikankapa allichirishpa shamurka. Shinapash mana paktarkachu.
Mama Marcela Holguín, kamachiy killkak, Karl Egloff pukllayka munay, ñakari, ushayta churanami kan nirka, ashtawankarin, paymi Ecuador llakta kan nishpa kushiyarirka. Paymi allpapachapi yalli hawa urkuman kimsa tullpuyuk wipalata chayachishka, Karl ñukanchik Mamallaktapak wiñaykawsayta sikaywan hawaman churashka, rimarka.
Kay Egloff ushay
Kay Ecuador llakamanta sikak, allpachapi 8 kutin urku umaman chayashka, shina: Elbrús urku, Rusia llaktapi kan; Nevado de Colima, en México llaktapi sakirin; Kilimanjaro, Tanzania llaktapi kan; Huascarán, Perú llaktapi kan; Aconcagua, Argentina llaktapi kan; cerro Plomo, Chile llaktapi sakirin; Chimborazo, Cotopaxi awillakuna, Ecuador llaktapi tiyan, payka urku umakunaman utka sikanata, urayanatapash yachan.
SV/lp/jc-kichwa
