Kunan puncha, Mamallakta Tantanakuyta pushak Ecuador llaktapi ista kamachikkunawan shuk rimanakuyta charirka.
Chaypi 2019 watamanta, 2021 watakama Mamallakta Tantanakuypak katikillata rikuchirka, shinami ista kamachikuna llankaykuna hamutarka.
“Kay rimanakuykunata charinka may allimi kan, chaypi Mamallakta Tantanakuy, paypak katikillata rikuchin, chay kamachiykuna Mamallakta wiñarikushkata riksichun may allimi rikurin”, chaymi chikan chikan karu llaktakuna Ecuador llakta ashtawan wiñarichun yanapanka.
Mamallakta Tantanakuyka runakunapak mutsuyta allichinkapami llankakun, shinami Litardo, Mamallakta Tantanakuyta pushak rimarka, tukuykunaman riksichirka.
Shinami Mamallaktakuna hatunyaymanta rimashpaka istallaktakunawan makita kushpa llankana kan, shinami runa hayñipi, pachamamapi, mamakuchata kamaypi, runakuna yaykurinapi, amawtaypi, sumakruraypi yanaparinka nirka.
Chaymanta, Mamallakta Tantanakuy kamachiykunata kallaripi churashpa arinishka, kamachiykunataka, nikishpa rimana kan; kaytaka Unidad de Técnica Legislativa llankay ukupimi pushana kan, chikan chikan llaktay tantarikunawan pushana kan, shina shuklla yuyari tiyachun, kay Código de Salud kamachiyta, Código Orgánico Integral Penal (COIP) kamachiyta Mamallakta Tantanakuy hunta rimanakukun, willarka.
LP/jc-kichwa
