Kay Comisión Ocasional de la Niñez tantari, kallari rimanakuypi atinakushka Libro Uno, del Código de la Niñez kamachiyta riksirka.
Kay pakmapika: zampayashka hayñikunata, kallarikunata, kamaykunata. Kari warmi 22 kamachiy killkakkunapak yuyayta, imashinami kamaywasikunapak 3 mushuk yuyayta hapirka.
Kallaripika “Código de la Niñez y Adolescencia” shutita, cahy “Código Orgánico para la Protección Integral de Niñas, Niños y Adolescentes” shutiwan rantinchina hawa atinakurka, kay kamachiymi Mamakamachiypi riksishka hayñikunata nikin.
Kay Kamachiymi kari warmi wawakunapak, imillakunapak paykuna wiñarishka pachapi hayñikunata, tukuy allpapachapi tiyak hayñikunata akllashpa ukllan. Maypi rantichikuna tiyakpika runakunapak hayñita allpapachapi tiyak hayñikunatapash kaman, shinami kallari killkakunapika riman.
Shuktak mushuk yuyaykunapak yapa, kay Sistema Nacional Descentralizado de Protección Integral para Niñas, Niños y Adolescentes llikata sinchiyachinka, runakuna chayman yaykurichun ñanta paskanka. Kunanpi tiyak Código kamachiyta rikushpa, kay kamachiy mana paktachishka hayñikunta imashina sakirishkata rikunka, paktachinka.
Shinami kay Kamachiyka ñakarishpa kawsana, wawakuna tukuypi wiñarinata, tantarikunapi, rimanakuykunapi, akllashka ukllaypi kanata rikunka, kamanka. Imashinami Encarnación Duchi kamachiy killkak, Comisión Ocasional pushak rimashka shinaka, hayñikuna killkarishka katichun mushuk yuyaykunata yaykuchishkami kan.
LILA/ea/jc-kichwa
