Mamallakta Tantanakuyta pushak, César Litardo Caicedo kamachikpak yuyayka shuwayta harkana, runakunata kamana yuyaymi kallaripi kan. Shinallatak kay llankaykunatami ashtawan Mamallaktapi tantanka nirka.
Kay Mamallakta Tantanakuypak 611yupay tantaripika, kamachiy killkakkuna, Código Orgánico Integral Penal (COIP) kamachiy hawa achkata rimarka. Sukta sayllatami atinakurka, chaypimi 31 kamachiy killkakuna yuyayta churarka, kipaman arinichirka.
Shinallatak Mamallakta Hunta tantarika Código Orgánico Integral Penal kamachiyta kutintak atinakurka.
Chaymanta kamachiy killkakkuna huchata charik runakunata, wakra shuwakunata, runata shuwakkunata wanachinkapa watata mirachina hawa achkata rimarka, takakpi llakirishka warmi shullushpa ama wanachishka kachunpash rimarka.
Mallaktapak tiyashkakunata shuwashkata tikrachimunka kamachiykuna, wanachiykuna sinchiyachishpa katinamanta rimarka, chaypak kamachikkuna katichun, mushuk ñankunata katishpa chayachimuchun rikurka, kay llankaytami Mamallakta kamana kan nirka.
Ashtawankarin runakuna shuwashpa chinkachishtami yapa kamachiy killkakkuna mancharishpa wachanchik kamachiyta sinchiyachina nirka, maypimi chinkarishka runakuna kawsak kakpika imashina tarishpa tikrachimunatami alli kamachiy ñankunata tukuy kamachiy killkakkuna rimarka.
MG/jc-kichwa
