Shinami makipura takarishpa kuyanakurka, Mamallakta Tantanakuyta pushak World Vision Jiménez wawapak llankayta riksirka, payka kushilla ñawiwan kuyayta tikrachirka.
Kay kari wawaka Programa de Área de Vinces-Los Ríos, wawakuna, imillakuna allikachun llankaypi karka.
Chaymanta World Vision tantaripak pushakkuna Vicente Rocafuerte kamarita chaskinapi karka, chaymanta chaypi kakkuna kushiyarirka.
“Kay kamaywasika imashina runakuna sumak kawsayta charichun, wawkikuna allikawsayta charichun yanapanka ” shinami César Litardo rimarka, runakunawan Mamallaktapi llankashpa ñami 40 watata charin. Tukuykunata yanapankapa Ecuador llaktaman shamurka, chaymanmi shukpaklla, tukuylla kamaywasikuna yachakkuna yaykurin, chaypimi wawakunapash ushayta rikuchin.
Kay World Vision kamaywasika 4,5 hunu wawakunata, ayllukunatami yanapashka. Mamallaktapak Pusak markakunapimi kan, 400 ayllullaktakunata yanapan, José Luis Ochoa pushakpak yuyaypika runakunapak kawsaymi achkata allichirishka. Ayllu ukumanta allichirin wawakunapash wakcha kawsanata ña mana chaskinchu, chay pachamantami mushuk kawsay kallarin.
“Kari warmi wawakuna sisayakta rikushkanchik. Paykunamanta kunanka ñami kamachiy killkakkuna, istakamachikkuna, amawtakuna, tupukkuna, kushipata, alliyachakkuna kan. Paykunami kunanka mushuk kawsayta rurakun, shinami muskushka Mamallaktata wallpakun. Shamuk kawsayta charinata ushanchik”, yapa rimarka.
Shuk manyamanta, Juan Carlos Túquerrez uyakurka, paymi takikunawan shamurka, chay World Vision pushakshina karka, chay Preuniversitarios yachaypi karka, 22 watata charishpa La Calera ayllullakta, Cotacachi-Imbabura, llaktamanta Quito llaktaman shamunka, wayru killamanta Comunicación yachay, Universidad Católica del Ecuador yachana wasipi yachanka.
LILA/ea/jc-kichwa
